ಅಜೀಂ ಪ್ರೇಮ್ಜಿ ಫೌಂಡೇಷನ್ (“ಫೌಂಡೇಷನ್”) ವಿದ್ಯಾರ್ಥಿಗಳು, ಸದಸ್ಯರು, ಪಾಲುದಾರರೊಂದಿಗೆ (ಬಳಕೆದಾರರು) ತೊಡಗಿಸಿಕೊಳ್ಳಲು ಸೇಲ್ಸ್ಫೋರ್ಸ್ ಪ್ಲಾಟ್ಫಾರ್ಮ್ನಲ್ಲಿ ನಿರ್ಮಿಸಿರುವ ವೆಬ್ಸೈಟ್ಗಳು ಮತ್ತು ಮೊಬೈಲ್ ಅಪ್ಲಿಕೇಶನ್ ಗಳನ್ನು (ಆ್ಯಪ್) ಬಳಸುತ್ತದೆ.
ಈ ಗೌಪ್ಯತೆ ನೀತಿಯಲ್ಲಿ “ಫೌಂಡೇಷನ್”, ಅಜೀಂ ಪ್ರೇಮ್ಜಿ ಫೌಂಡೇಷನ್ ಹಾಗೂ ಅದರ ಸಮೂಹದ ಇತರ ಕಾನೂನುಬದ್ಧ ಸಂಸ್ಥೆಗಳನ್ನು ಸೂಚಿಸುತ್ತದೆ (ಇವುಗಳನ್ನು “ನಾವು”, ಅಥವಾ “ನಮ್ಮ”, ಎಂದು ಕೂಡ ಉಲ್ಲೇಖಿಸಲಾಗಿದೆ).
ನಾವು ಮೊದಲ ಹೆಸರು, ಕೊನೆಯ ಹೆಸರು, ದೂರವಾಣಿ ಸಂಖ್ಯೆ ಮುಂತಾದ ಕೆಲವು ವೈಯಕ್ತಿಕ ಮಾಹಿತಿಗಳನ್ನು ಸಂಗ್ರಹಿಸಬಹುದು. ಈ ಮಾಹಿತಿಗಳ ಸುರಕ್ಷತೆ ಮತ್ತು ಗೌಪ್ಯತೆಯನ್ನು ಕಾಪಾಡಲು ಫೌಂಡೇಷನ್ ಬದ್ಧವಾಗಿದೆ. ಈ ಗೌಪ್ಯತೆ ನೀತಿಯು ಸಂಗ್ರಹಿಸಲಾದ ವೈಯಕ್ತಿಕ ಮಾಹಿತಿಯ ವಿವರಗಳು, ಅದನ್ನು ಸಂಗ್ರಹಿಸುವ ವಿಧಾನ, ಯಾರಿಂದ ಸಂಗ್ರಹಿಸಲ್ಪಡುತ್ತದೆ ಮತ್ತು ಅದನ್ನು ಯಾವುದಕ್ಕಾಗಿ ಉಪಯೋಗಿಸಲಾಗುತ್ತದೆ ಎಂಬುದರ ವಿವರಗಳನ್ನು ನೀಡುತ್ತದೆ. ಈ ಗೌಪ್ಯತೆ ನೀತಿಯನ್ನು ಆಗಾಗ ನವೀಕರಿಸಬಹುದು. ನೀವು ನಮ್ಮ ಅಪ್ಲಿಕೇಶನ್ ಬಳಸುವ ಮೂಲಕ ಮತ್ತು ನಿಮ್ಮ ವೈಯಕ್ತಿಕ ಮಾಹಿತಿಯನ್ನು ನೀಡುವ ಮೂಲಕ, ಕಾಲಾನುಕ್ರಮದಲ್ಲಿ ನವೀಕರಿಸಲಾಗುವ ಈ ಗೌಪ್ಯತೆ ನೀತಿಯ ನಿಯಮಗಳಿಗೆ ನಿಮ್ಮ ಸಮ್ಮತಿಯನ್ನು ನೀಡಿರುತ್ತೀರಿ.
1. ಸಂಗ್ರಹಿಸಿದ ವೈಯಕ್ತಿಕ ಮಾಹಿತಿ ಮತ್ತು ಸಂಗ್ರಹಣೆಯ ವಿಧಾನ
ʻʻವೈಯಕ್ತಿಕ ಮಾಹಿತಿʼʼಯನ್ನು ವ್ಯಕ್ತಿಯನ್ನು ಅನನ್ಯವಾಗಿ ಗುರುತಿಸಲು, ಸಂಪರ್ಕಿಸಲು ಅಥವಾ ಪತ್ತೆ ಹಚ್ಚಲು ತಾನಾಗಿಯೇ ಬಳಸಲು ದೊರೆಯುವ ಯಾವುದೇ ಮಾಹಿತಿ ಅಥವಾ ಇತರ ಲಭ್ಯ ಅಥವಾ ಲಭ್ಯವಾಗಲಿರುವ ಮಾಹಿತಿಯ ಸಂಯೋಜನೆ ಎಂದು ಕರೆಯಲಾಗಿದೆ. ನಾವು ಸಂಗ್ರಹಿಸುವ ಮತ್ತು/ಅಥವಾ ಇಟ್ಟುಕೊಳ್ಳುವ ವೈಯಕ್ತಿಕ ಮಾಹಿತಿಯಲ್ಲಿ ನಿಮ್ಮ ಹೆಸರು, ತಂದೆಯ ಹೆಸರು, ಜನ್ಮ ದಿನಾಂಕ, ವಿಳಾಸ, ಇ-ಮೇಲ್ ಐಡಿ, ಮೊಬೈಲ್ ಸಂಖ್ಯೆ ಮುಂತಾದವು ಸೇರಿರಬಹುದು ಮತ್ತು ನಾವು ಈ ಅಂಶಗಳ ಆಚೆಗಿನ ಕುರಿತಾದ ಮಾಹಿತಿಯನ್ನೂ ಸಂಗ್ರಹಿಸಬಹುದು.
2. ವೈಯಕ್ತಿಕ ಮಾಹಿತಿಯ ಬಳಕೆ
ಸಂಗ್ರಹಿಸಿದ ವೈಯಕ್ತಿಕ ಮಾಹಿತಿಯನ್ನು ಫೌಂಡೇಶನ್ ವಾಣಿಜ್ಯೇತರ ಉದ್ದೇಶಗಳಿಗಾಗಿ ಮಾತ್ರ ಬಳಸುತ್ತದೆ, ಉದಾಹರಣೆಗೆ
- ಅಪ್ಲಿಕೇಶನ್ನಲ್ಲಿ ಎತ್ತಲಾದ ಯಾವುದೇ ವಿನಂತಿ/ಸಮಸ್ಯೆಗೆ ಪ್ರತಿಕ್ರಿಯಿಸಲು
- ಅಂತಹ ವಿನಂತಿ/ಸಮಸ್ಯೆಯ ಪ್ರಗತಿಯ ಕುರಿತು ಅಧಿಸೂಚನೆಗಳನ್ನು ಒದಗಿಸಲು
- ಆಂತರಿಕ ಮೌಲ್ಯಮಾಪನಗಳು, ಅಳತೆಗಳು, ಕಾರ್ಯಾಚರಣೆಗಳು ಅಥವಾ ಯಾವುದೇ ಇತರ ಕಾನೂನುಬದ್ಧ ಉದ್ದೇಶಕ್ಕಾಗಿ ಬಳಸಿಕೊಳ್ಳಲು
ಸಂಗ್ರಹಿಸಿದ ವೈಯಕ್ತಿಕ ಮಾಹಿತಿಯನ್ನು ಇಲ್ಲಿ ಉಲ್ಲೇಖಿಸಿರುವ ಉದ್ದೇಶಗಳನ್ನು ಹೊರತುಪಡಿಸಿ ಬೇರೆ ಯಾವುದೇ ಉದ್ದೇಶಕ್ಕಾಗಿ ಬಳಸಲಾಗುವುದಿಲ್ಲ.
3. ಧಾರಣ
ಬಳಕೆದಾರರ ವೈಯಕ್ತಿಕ ಮಾಹಿತಿಯನ್ನು ಆ್ಯಪ್ನಲ್ಲಿ ನೋಂದಾಯಿಸಲಾದ ಬಳಕೆದಾರರ ಖಾತೆ ಅಸ್ತಿತ್ವದಲ್ಲಿರುವವರೆಗೆ ಮತ್ತು ಅದರ ನಂತರ ಅಗತ್ಯವಿರುವ ಅವಧಿಯವರೆಗೆ ಸಂಗ್ರಹಿಸಿಡಲಾಗುತ್ತದೆ. ಇಲ್ಲಿ ತಿಳಿಸಿರುವ ಯಾವುದೇ ನಿಯಮಗಳು ವೈಯಕ್ತಿಕ ಮಾಹಿತಿಯಿಂದ ತಯಾರಾಗುವ ಅನಾಮಧೇಯ, ಒಟ್ಟುಗೂಡಿಸಿದ ಡೇಟಾಸೆಟ್ಗಳು ಅಥವಾ ಅಂತಹ ಡೇಟಾಸೆಟ್ಗಳನ್ನು ಬಳಸಿಕೊಂಡು ರಚಿಸಲಾದ ಯಾವುದೇ ವರದಿ, ಹೀಟ್ ಮ್ಯಾಪ್ ಅಥವಾ ಇತರ ದೃಶ್ಯರೂಪಗಳಿಗೆ ಅನ್ವಯವಾಗುವುದಿಲ್ಲ.
4. ಬಳಕೆದಾರರ ಹಕ್ಕುಗಳು
ಒದಗಿಸಲಾದ ಯಾವುದೇ ವೈಯಕ್ತಿಕ ಮಾಹಿತಿಯನ್ನು ಸೇರಿಸಲು, ತೆಗೆದುಹಾಕಲು ಅಥವಾ ಮಾರ್ಪಡಿಸಲು ನೀವು ಯಾವುದೇ ಸಮಯದಲ್ಲಿ ಅಪ್ಲಿಕೇಶನ್ನಲ್ಲಿ ನಿಮ್ಮ ಬಳಕೆದಾರ ಪ್ರೊಫೈಲ್ ಅನ್ನು ಪ್ರವೇಶಿಸುವ ಹಕ್ಕನ್ನು ಹೊಂದಿರುತ್ತೀರಿ.
5. ಡೇಟಾ ಭದ್ರತೆ
ಸಂಗ್ರಹಿಸಲಾದ ವೈಯಕ್ತಿಕ ಮಾಹಿತಿಯನ್ನು ಫೌಂಡೇಷನ್ ನಿರ್ವಹಿಸುವ ಒಂದು ಸರ್ವರ್ನಲ್ಲಿ ಸುರಕ್ಷಿತವಾಗಿ ಇರಿಸಲಾಗುತ್ತದೆ. ಆ್ಯಪ್ನಲ್ಲಿ ನಿಮ್ಮ ಮಾಹಿತಿಯ ಗೌಪ್ಯತೆ ಮತ್ತು ಸುರಕ್ಷತೆಯನ್ನು ಕಾಪಾಡಲು ಪ್ರಮಾಣಿತ ಭದ್ರತಾ ಕ್ರಮಗಳನ್ನು ಕೈಗೊಳ್ಳಲಾಗಿದೆ. ನಿಮ್ಮ ವೈಯಕ್ತಿಕ ಮಾಹಿತಿಯ ಸುರಕ್ಷತೆಯನ್ನು ರಕ್ಷಿಸಲು ಫೌಂಡೇಷನ್ ಮಾಹಿತಿ ತಂತ್ರಜ್ಞಾನ (ರೀಸನಬಲ್ ಸೆಕ್ಯುರಿಟಿ ಪ್ರ್ಯಾಕ್ಟಿಸಸ್ ಅಂಡ್ ಪ್ರೊಸಿಜರ್ಸ್ ಅಂಡ್ ಸೆನ್ಸಿಟಿವ್ ಪರ್ಸನಲ್ ಡೇಟಾ ಆರ್ ಇನ್ಫರ್ಮೇಶನ್) ನಿಯಮಗಳು, 2011 ರಲ್ಲಿ ನೀಡಲಾಗಿರುವ ಯುಕ್ತವಾದ ಸುರಕ್ಷತಾ ಪದ್ಧತಿಗಳು ಮತ್ತು ವಿಧಾನಗಳನ್ನು ಪಾಲಿಸುತ್ತದೆ.
6. ಬಹಿರಂಗಪಡಿಸುವಿಕೆ ಮತ್ತು ವರ್ಗಾವಣೆ
ಮೇಲಿನ ಪಾಯಿಂಟ್ 2 ರಲ್ಲಿ ನಿಗದಿಪಡಿಸಿದಂತೆ ಉಳಿಸಿ, ಅಪ್ಲಿಕೇಶನ್ ಸಂಗ್ರಹಿಸಿದ ಯಾವುದೇ ವೈಯಕ್ತಿಕ ಮಾಹಿತಿಯನ್ನು ಬಹಿರಂಗಪಡಿಸಲಾಗುವುದಿಲ್ಲ ಅಥವಾ ಯಾವುದೇ ಮೂರನೇ ವ್ಯಕ್ತಿಗೆ ವರ್ಗಾಯಿಸಲಾಗುವುದಿಲ್ಲ.
7. ಕುಂದುಕೊರತೆಗಳು
ಈ ಗೌಪ್ಯತೆ ನೀತಿಯ ಕುರಿತಾಗಿ ನಿಮಗೆ ಯಾವುದೇ ಪ್ರಶ್ನೆಗಳು ಇದ್ದಲ್ಲಿ, ದಯವಿಟ್ಟು reachus@apu.edu.in ಗೆ ಇಮೇಲ್ ಮಾಡಿ.